«Талибан» (Кыргызстанда тыюу салынган) радикал кыймылынын согушкерлери Норвегиянын Кабулдагы элчилигин басып алды. Бул тууралуу маалыматты Норвегиянын Ирандагы элчиси Сигвальд Хауге өзүнүн «Твиттердеги» баракчасына жазып чыкты.
Дипломаттын айтымында, кыймылдын өкүлдөрү имаратты кийинчерээк кайтарып берүүнү убада кылышкан.
«Учурда талибдер Норвегиянын Кабулдагы элчилигине киришти. Кийинчерээк бизге кайтарып беришерин айтышты. Бирок алгач винонун бөтөлкөлөрүн сындырып, балдардын китептерин жок кылуу керек. Кыязы, алар куралды анча коркунучтуу эмес деп эсептешет», — деп жазылат билдирүүдө.
