Бүгүн, 4-июндагы Жогорку Кеңештин Конституциялык мыйзамдар боюнча комитетинин жыйынында башкы прокурорду кызмат ордунан бошотууга макулдук берүү жөнүндө маселе каралды.
Жогорку Кеңештин профилдик комитети Курманкул Зулушевдин башкы прокурорлук кызматтан кетүүсүнө макулдук берди. Эми анын арызын жалпы депутаттык корпус карайт.
Садыр Жапаров башкы прокурорлукка ушул эле тармактан талапкер карап жатканы айтылган.
Эске салсак, Курманкул Зулушев башкы прокурор кызматын 2020-жылдын октябрынан бери аркалап келген. Ал өз ыктыяры менен кызматтан кетүүгө арыз жазганы кечээ маалым болгон.
