Ушул жылдын декабрь айында тарых музейине 22 миң 500 адам кирип, 2 миллиондон ашык каражат түшкөн. Бул тууралуу маалымат жыйында маданият министри Азамат Жаманкулов билдирди.
“Бүгүнкү күнгө карата музейдеги экспонаттардын саны 1 миң 600дөн 4 миң 500гө жетти. Ал эми тарых музейинин расмий ачылышан бери 2 млн 123 миң 200 сом каражат түштү. Кино тармагына өткөн жылы 87 млн 228 миң сом каралып, анын 82 млн 164 миң 500 сому королгон”, — деди министр.
Эскерте кетсек, 19-ноябрда Бишкектеги Улуттук тарых музейи оңдоо иштеринен кийин ачылган.
