Ысык-Көлдүн жээгинде Кыргызстандын тарыхындагы X-WATERS сериясындагы биринчи эл аралык ачык сууда сүзүү иш-чарасы болуп өттү.
Маалыматка караганда, Беларусь, Казакстан, Кытай, Канада, Румыния, БАЭ, АКШ, Кыргызстан жана Россиядан келген 367 спортчу катышты.
Мындай масштабдуу эл аралык спорттук иш-чара Кыргызстанда биринчи жолу өтүп, Ысык-Көл дүйнөлүк деңгээлдеги мелдештерди өткөрүүгө жөндөмдүү экенин далилдеди.
Белгилей кетсек, X-WATERS Issyk-Kul 2026га катталуу башталды жана бир нече күндүн ичинде ондогон спортчулар өтүнмөлөрүн тапшырган.
