2025-жылдын 18–22-июнунда Болгариянын София шаарында көркөм гимнастика боюнча жаштар арасындагы III дүйнөлүк чемпионат өттү. Аталган эл аралык мелдешке дүйнөнүн ар кайсы бурчунан мыкты жаш гимнасттар чогулушуп, жогорку деңгээлдеги таймаштарды көрсөтүштү.
Кыргызстан үчүн бул чемпионат өзгөчө тарыхый болду. Өлкөбүздүн атынан таймашка катышкан жаш спортчу Аркатова Злата мыкты көрсөткүчтөрдү көрсөтүп, алтын медалга ээ болду. Ал финалдык этапта өзүнүн бийик даярдыгын жана көркөм чеберчилигин далилдеп, калыстардын жана күйөрмандардын алкоосуна татыды.
Бул жеңиш – Кыргызстандын көркөм гимнастика тарыхында чоң жетишкендик болуп саналат. Аркатова Златанын ийгилиги өлкөбүздүн жаш спортчулары үчүн чоң шыктануу болуп, дүйнөлүк аренада Кыргызстандын аброюн дагы да көтөрдү.
Посмотреть эту публикацию в Instagram
