Өзбекстандын мамлекеттик туризм агенттигинин маалыматына ылайык, 2025-жылдын тогуз айында республикага 8,6 млн чет элдик турист келген. Бул өткөн жылдын ушул мезгилине салыштырмалуу 112,5 пайызга көп.
Пандемиядан кийинки 2022-жылга салыштырганда да олуттуу өсүш байкалган. Тактап айтканда, Улуу Британиядан келген туристтер 2,6 эсеге, Катардан — 6,2 эсеге, АКШдан — 3 эсеге, Франциядан — 2,9 эсеге, Россиядан — 2,1 эсеге, Венгриядан — 3,3 эсеге, Германиядан — 2,5 эсеге, ал эми Польшадан — 6,2 эсеге көбөйгөн.
Ошондой эле туристтик кызматтардын экспорту да рекорддук деңгээлге жетип, 2025-жылы 3,6 млрд АКШ долларынан ашкан.
Эске салсак, 2025-жылдын алгачкы сегиз айында Кыргызстандан Өзбекстанга 2,16 млн турист келген. Бул эки өлкө ортосундагы чек ара кызматташтыгынын жана транспорттук байланышка болгон суроо-талаптын жогорулашынын дагы бир далили катары бааланууда.
