Бишкекте түнкү клубка киргизбей койгон официантты таш менен башка урган шектүү жаран кармалды. Бул тууралуу Биринчи Май РИИБи билдирет.
Маалым болгондой, окуя 9-ноябрда Бишкектеги түнкү клубдардын биринин жанында болгон. Клубга кире албай калган жаштар кызматкерлер менен жаңжалдашып, алардын бири официантты таш менен башка чаап, качып кеткен. Окуя болгон жерге дароо райондук ички иштер башкармалыгынын ыкчам-тергөө тобу барышкан.
24 жаштагы жабырлануучунун мээси чайкалып, ооруканага жеткирилген. Ал эми аны урган 22 жаштагы жигит кармалып, камакка алынды.
