Бүгүн, 6-июнда УКМКнын төрагасы Камчыбек Ташиев 2022-жылдын сентябрь айында кыргыз-тажик чек арасында болгон куралдуу кагылышуу учурунда жол кырсыктан алган жаракатынан улам майып болуп калган Баткен облусунун тургуну, 3 баласы менен дарыланып жаткан Жулдибоева Шоира Тухтаевна менен жеке жолугушуу өткөрдү.
Дарыгерлердин сунушу менен Жулдибоева жана анын кыздары Бишкектен дарылануусу зарыл. Ал эми балдар психологиялык жактан жабыркап, Баткен облусуна үйлөрүнө кайтып баргылары келбейт.
Өз кезегинде Ташиев Бишкек шаарынан жеке турак-жай алууга көмөк көрсөтүүгө убада берип, ошондой эле дарыланууга материалдык жардам көрсөттү.
Эскерте кетсек, кырсыкка кабылган автоунаада 24 адам болгон. Алардын 12си алган жаракатынан улам каза болгон.
