Бүгүн, 5-ноябрда Түркиянын президенти Режеп Тайып Эрдогандын Кыргызстанга жасаган мамлекеттик сапарынын алкагында, УКМК төрагасы Камчыбек Ташиев Түркиянын Улуттук Чалгындоо Уюмунун башчысы Ибрагим Калын менен жолугушту.

Жолугушуунун жүрүшүндө Камчыбек Ташиев эки өлкө ортосундагы көп тараптуу кызматташтыктын манилүүлүгүнө токтолуп, өзгөчө Кыргыз Республикасынын Улуттук коопсуздук мамлекеттик комитети Түркиянын Улуттук Чалгындоо Уюму менен биргеликте ар тараптуу атайын иш-чараларды уюштуруп, алар ийгиликтүү ишке ашырылып келе жаткандыгын баса белгиледи.

Ошондой эле төрага Түркия Республикасынын президенти Режеп Тайып Эрдогандын Кыргыз Республикасына жасаган мамлекеттик сапарынын маанилүүлүгүнө токтолуп, мындай жолугушуулар эки өлкөнүн стратегиялык кызматташтыгын кеңейтүүгө чоң салымын кошот деген ишенимин билдирди.
Жолугушуунун жүрүшүндө Кыргызстан Түркия менен эң жакын стратегиялык өнөктөш катары, кайсыл тармак болбосун ар дайым кызматташууга даяр экендиги кошумчаланды.

Өз кезегинде Ибрагим Калын жылуу тосуп алуу жана меймандостук үчүн кыргыз элине ыраазычылыгын билдирип, Түркия Республикасынын лидеринин Кыргызстанга болгон сапары алар үчүн да өтө маанилүү экендигин айтып өттү. Ибрагим Калын өз сөзүндө Кыргызстандын улуттук коопсуздугун камсыз кылууда Камчыбек Ташиевдин орду чоң экендигин белгилеп, өлкөдөгү Уюшкан кылмыштуу топторду жоюу жана аларды каржылоо фактыларын жок кылуу аракеттерин жана чек ара маселесин чечүүдөгү чечкиндүү кадамдарды мисал келтирди.

Тараптардын жолугушуусунда эки өлкө коопсуздук кызматтарынын өз ара кызматташуусун.