УКМКнын төрагасы Камчыбек Ташиев мындан ары мамлекетте тартип болоорун айтты.
«Буга чейин ар ким каалаганын кылып жүрдү. Талаганын талады, тоногонун тоноду, алганын алды, жутканын жутту. Мындай болбойт. Мамлекеттен бир нерсе сурап жатабызбы? Ага да ошондой кылышыбыз керек. Эмне үчүн мектеп куруп бербейт, эмне үчүн жолдор талкаланган, эмнеге айлык көтөрүлбөйт. Мунун башкы себеби мамлекетте тартип жок ар ким тоноп жүрүшкөн. Эми андай болбойт. Мамлекеттик кызматта иштеген кимдир бирөө казынага кол салган болсо, мыйзам чегинде колду чагабыз. Коррупция кыла турган болсо, түрмөгө тыгабыз. Бандиттердин жанын сууруп, мыйзам чегинде экинчи андай кылбай турган кылабыз», — деди ал.