Таштандыдан ымыркайды таап алып, Тез жардамга өткөрүп берген пакистандык жигит Мухаммад Закрия Хан Бишкектин Октябрь райондук администрациясынын ыраазычылык каты менен сыйланды.
Эскерте кетсек, 8-ноябрда түнкүсүн Бишкектин Элебаев көчөсүндөгү таштанды челектен жаңы туулган ымыркай табылган. Милиция көп өтпөй анын энеси ким экендигин аныктаган.
Баланы таап алып, Тез жардам кызматына өткөрүп берген пакистандык студент окуянын кандай болгонун айтып берген.