Панфилов атындагы парктын аймагында жайгашкан жалпы аянты 0,48 га болгон муниципалдык жер тилкесин жеке менчикке мыйзамсыз берүү фактылары аныкталды. Бул тууралуу УКМК билдирет.
Бишкек шаарынын мэриясы тарабынан токтом чыгаруу жолу менен жеке адамдарга мыйзамсыз жер тилкесин алып чыгуу боюнча коррупциялык схеманы айрым жогорку даражалуу аткаминерлер уюштургандыгы такталган.
Жүргүзүлгөн иш-чаранын алкагында жалпы суммасы 268 млн 900 миң сомду түзгөн, 0,48 га муниципалдык жер тилкелерин мыйзамсыз ээлеп алуу боюнча кылмыш схемасына тиешеси бар адамдар аныкталган.
Соттун чечимине ылайык спорт комплекс мамлекеттин менчигине өткөрүлдү.
