Бүгүн, 19-октябрда Жогорку Кеңештин жыйынында депутат Дастан Бекешев мыйзамда мал уурулук үчүн 12 жылга чейинки жаза берүү сунушталып жатканын, ал эми адам уурдоого болгону 10 жыл берилерин айтып, мал уурулукка адам уурдоодон да катаал жаза берилишине каршы чыкты.
Мыйзам долбоордун демилгечиси Сүйүн Өмүрзаков кылмыштуулукту азайтуу максаты көздөлүп жатканын билдирди.
Бирок Бекешов буга чейин Өмүрзаков жетектеген комитет мыйзамсыз курулуш үчүн жазаны күчөтүү тууралуу мыйзам долбоорун колдобой койгонун, бул жерде эки жүздүүлүк болуп жатканын билдирди.
Өмүрзаков Бекешевго “Тилди тишке кысып сүйлөңүз, бөйрөктөн шыйрак чыгарбаңыз ” деди.
Белгилей кетсек, бүгүн Жогорку Кеңеште Кылмыш кодексине “мал уурулук” беренесин кайтаруу маселеси каралып жаткан.
Посмотреть эту публикацию в Instagram
