Кыргызстанда кант үч айга гана жетет. Бул тууралуу Айыл чарба министринин милдетин аткаруучу Тилек Токтогазиев пресс-конференцияда билдирди.
Анын айтымында, өлкөдө шекер жана өсүмдүк майынын запасы чектелген.
«Буудай тууралуу курч маселелер жакынкы убактарда жана жай айларында болот. Шекер боюнча бизде Кайыңдыдагы заводдун кампасында 18 миң тонна жана дыйкандарда 8 миң тоннага жакын гана калды. Бул запас үч айга жетиши мүмкүн. Мындай тартыштыктын себептеринин бири — аткезчилик. Ири көлөмдө Тажикстанга, Өзбекстанга экспорттолгон. Өсүмдүк майынын калган бөлүгү болжол менен беш айга жетет», — деди Токтогазиев.
