Түркия кечкен карыз Алмазбек Атамбаевдин маалында алынганын Тимур Саралаев билдирди.
«Кыргызстан Түркияга 58,8 млн доллар карыз экен. Аны 2012-2015-жылдары Атамбаев алыптыр. Бул карызды бүгүн түрк президенти кечти, жокко чыгарды. Бул тышкы саясат оңолгонун далили, Садыр Жапаров түрк президенти менен сүйлөшүп, карыздарды жокко чыгарды. Мамиле, тең ата саясат, өнөктөш болуудагы чеберчилик деп ушуну айтат. Учурунда Атамбаев өзбек президенти менен кырылышып, “Каримов өлсө анан чек ара чечем”-деди эле. Анын кесепетин кыргыз эли канча көрдү. Кийин түрк президенти менен дагы мамилеси бузулуп, ызы-чуу болуп жүргөн. Айтор АША бузуп кеткен мамиленин баарын Садыр Жапаров оңдоп, жөн эле оңдоп койбостон мынтип пайдалуу натыйжаларга жетишип жатканын айта кетпесе болбойт. Анан фейсбукта “Атамбаевди айга-күнгө» теңеп жаткандарды көрүп, кечээки эле күндү унутуп калгандарына таңкаласын…»,- деди ал.
