Тоң райондук соту 13 жаштагы кызды зордуктаган айыпталуучуну актады. Бул тууралуу жабырлануучу тараптын жактоочусу Айнура Асанова ЖМКларга билдирди.
Анын айтымында, кызды үч башка эркек киши зордуктаган. Ата-энеси бул окуя тууралуу качан гана кыздын кош бойлуу экендиги белгилүү болгондо гана билишкен.
«Кыз ар башка убакытта үч башка эркек тарабынан кордолгон, ошондуктан тергөө үч эпизодду өз-өзүнчө кароодо. Ж.К.у. аттуу жаран уюштурган. Бирок сот жараяны учурунда айыпталуучу жабырлануучу менен жакындан тааныш эместигин билдирди. Азыр кыз психологиялык травма алгандыгына байланыштуу башка аймакта жашайт. Мамлекеттик айыптоочу Ж.К.у.ну 15 жыл эркинен ажыратууну суранганынан карабастан бири акталып чыкты. Судья айыпталуучулардын аракеттеринде кылмыш курамы жок экендигин билдирди», — деди Айнура Асанова.
