Ысык-Көл облусунун Тоң районунда Россия-Кыргыз өнүктүрүү фондунун колдоосу менен кичи ГЭС курулду.
Долбоорду ишке ашырууга РКӨФ 2,5 миллион доллар бөлгөн.
Россия-Кыргыз өнүктүрүү фондунун жетекчиси Артем Новиков кичи ГЭС тууралуу маалымат берип, видеону социалдык тармактагы баракчасына бөлүштү.
“Объектке дүйнөдөгү алдыңкы өндүрүүчү Global Hydro (Австрия) фирмасынын гидравликалык турбинасы орнотулган. ГЭСтин өндүрүштүк кубаттуулугу 4,5 мегаватт. Ал жерде жылына 17,4 миллион киловатт-саат электр энергиясы иштеп чыгарылат” – деди ал.
