Тогуз-Тородогу 2,7 миллион сомго курулган ФАП ишке берилди. Бул тууралуу Тогуз-Торо администрациясынан билдиришти.
Маалыматка ылайык, Атай айыл өкмөтүнө караштуу Карл-Маркс айылындагы ФАПтын ачылыш аземи бүгүн, 17-ноябрда болуп өткөн. Ага раймамадминистрация башчысы аким М.К.Карагулов, Атай айыл өкмөтүнүн айыл өкмөт башчысы А.Жаңыбаев, Атай айыл өкмөтүнүн мурдагы айыл өкмөт башчысы Б.Бобукеев, медицина кызматкерлери, айылдын карыялары жана жашоочулары катышышты.
“Карл-Маркс ФАПынын имаратынын курулушуна Атай айыл өкмөтүнүн бюджетинен 440 715 сом бөлүнүп, калганы стимгрант аркылуу каржыланып жалпы 2 млн 744 мин сомго тендерге жарыяланып “Партнер Строй КГ” ЖЧКсы (ишкер Капаров Алмаз) утуп, ишке берилди”, — деп жазылат маалыматта.