Токио 2021 жайкы Олимпиада оюндарында Кыргыз Республикасынын мамлекеттик желегин курама команданын мүчөсү Каныкей Кубанычбекова көтөрүп чыгаары белгилүү болдду. Эске салсак,  Кубанычбекова — Олимпиада оюндарында Кыргызстандын желегин көтөргөн алгачкы айым болот.

Буга чейин Кыргызстандын желегин кимдер көтөрүп чыккан?

• Атлантада (1996-жыл) — Сергей Ашихмин (сууда сүзүү);
• Сиднейде (2000-жыл) — Раатбек Санатбаев (грек-рим күрөшү);
• Афинада (2004-жыл) — Митал Шарипов (оор атлетика);
• Пекинде (2008-жыл) — Талант Жанагулов (дзюдо) ачылыш аземде, Базар Базаргуруев (эркин күрөш) жабылыш аземде көтөрүп чыккан;
• Лондондо (2012-жыл) — Чыңгыз Мамедов (дзюдо) ачылыш аземде, Бекзат Осмоналиев (оор атлетика) жабылыш аземде көтөрүп чыккан;
• Риодо (2016-жыл) — Эркин Адылбек уулу (бокс).

Эске салсак, Олимпиада оюндары 23-июлда башталып, 8-августта жыйынтыкталат. Кыргызстандык спортчулар 17 жолдомо алып, 16 спортчу мелдешке даярдык көрүүдө.

Кыргызстан  курама командасы;

1. Жоламан Шаршенбеков -грек-рим күрөшү,
2. Акжол Махмудов -грек-рим күрөшү,
3. Атабек Азисбеков -грек-рим күрөшү,
4. Үзүр Жусупбеков -грек-рим күрөшү,
5. Эрназар Акматалиев -эркин күрөш,
6. Айаал Лазарев -эркин күрөш,
7. Айсулуу Тыныбекова -кыздар күрөшү,
8. Мээрим Жуманазарова — кыздар күрөшү,
9. Айпери Медет кызы — кыздар күрөшү,
10. Владимир Золоев — дзюдо күрөшү,
11. Бакдөөлөт Расулбеков -оор атлетика,
12. Роман Петров — фехтование,
13. Каныкей Кубанычбекова -ок атуу,
14. Денис Петрашов — сууда сүзүү,
15. Дария Маслова — жеңил атлетика,
16. Нурсултан Кеңешбеков — жеңил атлетика.

Ал эми Паралимпиадагаспортунун чебери

1. Арстанбек Базаркулов — ядро түртүү,
2. Хайитхон Хусан кызы — дзюдо.