Токмокто жайгашкан 9-кабаттан эки эркек киши секирүүгө аракет кылган деген маалыматтын чоо-жайы аныкталды. Бул тууралуу Чүй ОИИББинин басма сөз кызматынан билдиришти.
Маалыматка ылайык, имаратка чыккан балдар 24 жаштагы К.С. жана А.А. аттуу жарандар экени такталып, алар сүрөткө түшүш үчүн чыгышканы белгилүү болду. Кийин кызматкерлердин келгенин көрүп ал жерден жерге түшүшкөн.
Эскерте кетсек, кечээ, 14-декабрда Токмок шаарындагы курулушу бүтө элек 9-кабаттагы үйдө эки эркек киши жүргөндүгү тууралуу билдирүү түшкөн.
