“Ош” аэропортунун директорунун жардамчысы Эмил Ашимов кармалды. Бул тууралуу 24.kg маалыматтык агенттиги жазып чыкты.
Маалым болгондой, буга чейин Транспорт прокуратурасы тарабынан «Манас» эл аралык аэропорту» ААК филиалында коррупциялык схема аныкталган. Ага ылайык кылмыш иши козголуп, анын алкагында Эмил Ашимов кармалган.
«Буга чейин аэропорттон ири өлчөмдө акча чыгарылып кетилгени белгилүү болду. Ошондон улам “Манастын” акционерлери дивиденддерин жоготушкан. Эмил Ашимов Ош шаардык ички иштер башкармалыгынын убактылуу кармоочу жайына киргизилген. Келтирилген чыгымдын так суммасы такталууда», — деп берилет маалыматта.