Токмокто 25 жаштагы жигит өз жанын кыйды. Чүй ОИИБ билдиргендей, өз өмүрүн кыйган жигит жашы жете элек кызга ыплас аракет кылуу боюнча күбө катары сурак берген.
Маалыматка ылайык, ушул жылдын 7-октябрь күнү милицияга И.Г. аттуу жаран арыз менен кайрылып, анда арызында жаш өспүрүм кызына карата белгисиз жаран тарабынан ыплас аракеттер болгонун билдирип чара көрүүнү суранган.
Аталган окуя Токмок ШИИБдин маалыматтарды каттоо китепчесине катталып, тийиштүү текшерүү иштери жүргүзүлүүдө.
Ошондой эле 10-октябрь күнү милицияга Токмок шаарынын тургуну 1997-жылы туулан Ч.А. өзүнүн үйүндө өмүрүн кыйгандыгы боюнча малымат түшкөн.
Өз өмүрүн кыйган жаран, 9-октябрда Токмок ШИИБдин тергөө кызматына күбө катары сурак берип, тергөө амалдары жүргүзүлгөн соң үйүнө кое берилген. Ал жарандын ыплас аракеттер боюнча кылмышка катыштыгы бар же жок экендиги боюнча текшерүү улантылууда.
Бул окуя Чүй ОИИББнын жетекчилиги тарабынан көзөмөлгө алынып, 1997-жылы туулан Ч.А. атту жарандын өз өмүрүн кыйуу фактысы боюнча текшерүү иштери жүргүзүлүүдө.
