Тоолуу аймактарда бороон-чапкынга байланыштуу кар көчкү жүрүшү күтүлүүдө. Бул тууралуу ӨКМ билдирди.
Маалыматка ылайык, 7–12-май күндөрү республиканын бир катар жолдорунда кар көчкү түшүшү мүмкүн.
Мындан тышкары, кар калың жаап, жолдордо кар күрткүсү жана муз тоңуу пайда болушу ыктымал.
Өзгөчө кооптуу кырдаал төмөнкү жол тилкелеринде күтүлүүдө:
- Балыкчы – Казарман – Жалал-Абад унаа жолунун 326–349-чакырымдары, Көк-Арт ашуусу аймагында;
- Каракол – Эңилчек унаа жолунун 70–90-чакырымдары, Чоң-Ашуу ашуусунда.
Адистер айдоочуларды унаалардын ортосундагы аралыкты кеминде 500 метрден кем эмес сактоону эскертет.
ӨКМ ошондой эле аба ырайы туруксуз болгон учурда тоолуу аймактарга ашыкча сапарга чыкпоону жана жол эрежелерин так сактоону сунуштады.
