Бишкекте тротуар курууга тоскоол болгон Эр-Тайлак көчөсү №4 үйүнүн дубалы түрттүрүлдү. Ал Транспорт министри Тилек Текебаевдин орун басарынын үйүнүн тосмосу болчу.
Башкармалыктын кызматкерлери объекттин ээсине түшүндүрүү иштерин жүргүзгөндөн кийин өз ыктыяры менен тротуарга чыккан капиталдык тосмону, гаражды жана темир дарбазаны демонтаждоодо. Тосмонун узундугу 25 метр, гаражы 4×5 метрди түзөт.
Башкармалык тарабынан муниципалдык аймакты мыйзамсыз орнотулган объекттерден, уруксатсыз курулган же курулуп жаткан имараттардан жана курулуштардан бошотуу боюнча билдирүүлөр берилген.
Буга чейин Бишкектин көчөлөрүнүн бирине тротуар курууга транспорт министринин орун басары Акуналы Досалиевдин үйүнүн тосмосу тоскоол болуп жатканы айтылган.
