Тунгучта эжеси менен урушуп кеткен кыз өз жанын кыюуга аракет кылган. Куткаруучулар суицид аракетинин алдын алышты.
Өзгөчө кырдаалдар министрлигинин медта бөлүмүнүн кызматкери Элнура Муктарованын айтымында, бүгүн түштөн кийин «161» куткаруу кызматына көп кабаттуу үйлөрдүн биринде жаш кыз эшигин жаап алып, терезеден секирип өз жанын кыюуга аракет кылгандыгы тууралуу маалымат түшкөн.
«Үй-бүлөлүк жаңжал учурунда ал терезеден секирем деп коркуткан. Окуянын күбөлөрү полиция менен куткаруучуларды чакырышкан. Жерине куткаруучулар бригадасы жөнөтүлгөн. Учурда окуя такталууда», — деп жазылат маалыматта.
