УКМК тарабынан Президенттин Иш башкармалыгынын башчысы Каныбек Туманбаевдин атын пайдаланып, бирөөнүн 100 миң долларын алдап алган 32 жаштагы киши кармалды.
Ал жаран Туманбаев менен жакын мамиледе экендигин айтып, «Көчмөн сити» турак-жай комплексинин 18 кварталынын курулушуна подряддык жумуштарга уруксат берүүнү убада кылып, жабырлануучудан 100 миң АКШ долларын алган.
Анын кеңсесин текшерүү учурунда 60 миң АКШ доллары өлчөмүндөгү жасалма акчалар, ошондой эле Туманбаевге жазылган жасалма жазуу түрүндөгү кайрылуулар аныкталып, алынган.
Аталган жаран УКМКнын тергөө абагына киргизилди. Учурда кылмыш иши боюнча тергөө иштери улантылып жатат. Мында кошумча «акча жана баалуу кагаздарды жасалмалоо» беренеси боюнча да иш каралууда.
