Баткенде турак үйдөн өрт чыгып, бир адам каза болду. Бул тууралуу ӨКМден билдиришти.
«Бүгүн таңкы саат 07:14тө Баткен районунун Кызыл-Бел айылында турак үйдөн өрт чыккандыгы тууралуу маалымат түшкөн. Саат 07:16да Баткен шаарында жайгашкан №26 Өрткө каршы куткаруу бөлүгүнөн 5 өрт өчүрүүчү-куткаруучу тартылган. Саат 08:50де курчоого алынган тилсиз жоо саат 10:26да өрт толугу менен өчүрүлдү»,- деп берилет маалыматта.
Тилекке каршы өрт чыккан жерде бир жаран каза болгон. Райондук ички иштер бөлүмү тарабынан каза болгон жарандын сөөгү 1991-жылы туулган А.Б экендиги аныкталган. Учурда өрттүн келип чыгуу себептери такталууда.
