Турсунбек Акун “Азаттык” радиосун конституциялык жыйындын мүчөлөрүнө жалаа жапты деп айыптады. Бул тууралуу ал пленардык жыйында билдирди.
«Эртең мененден кечке чейин “Азаттык” радиосу жана башка сайттар конституциялык чогулуштун жана курултайдын ишин жаманатты кылуу менен алектенишет. Радио АКШ Конгресси тарабынан каржыланары белгилүү болду. Алар өлкөнүн ички ишине кийлигишишет. Жыйындын мүчөлөрү, курултайдын демилгечилери эфирге чакырылып, чыккынчылар деп аталат. Биз 20 жылдан бери курултай маселесин көтөрүп келе жатабыз. Биз чыккынчыбызбы? Этика кайда? Бүгүнкү күндө чет мамлекеттер тарабынан каржыланган маалымат каражаттары саясий күчтөр менен беттешип, чагымчыл аракеттерге барышууда «, — деди мурдагы акыйкатчы.
Турсунбек Акун көтөрүлгөн маселелерге байланыштуу “Азаттыктын” жетекчилигине кайрыларын билдирди.