“Хизбут-Тахрир аль-Ислами” диний-экстремисттик уюмундагы “аялдар канатынын” мүчөлөрү кармалды. Бул тууралуу УКМКнын басма сөз кызматынан билдиришти.
Маалыматка ылайык, анын мүчөлөрү экстремисттик идеологияны жайылтуу жана ага жаңы тарапкерлерди тартуу боюнча мыйзамсыз иш-аракеттерди жүргүзүп келишкен.
Жүргүзүлгөн тергөө-ыкчам иштердин жыйынтыгында кылмыш иши боюнча айыпталуучулар “С.Т.”, “М.Г.” жана “М.Н.” камакка алынып, УКМКнын тергөө абагынын убактылуу кармоочу жайына киргизилди.
Учурда тыюу салынган аталган уюмдарга тиешеси бар башка адамдарды аныктоо боюнча тергөө иштери жүргүзүлүүдө.
