Кадамжай районунун Кыргыз-Кыштак айыл аймагынын жер боюнча адиси кармалды. Бул тууралуу УКМКнын басма сөз кызматынан билдиришти.
Маалыматка ылайык, Кыргыз-Кыштак айыл өкмөтүнүн башчысы Д.Д.га жана жер адиси К.А.га жер участокторун мыйзамсыз берүү жана сатуу фактысы боюнча кылмыш иши козголгон, ушул жылдын 16-февралында 50 миң сом акча каражатын кайтарып берүү учурунда жер адиси «К.А.» пара менен кармалган.
КРнын Кылмыш-жаза кодексинин 337-беренесинин 2-бөлүгү боюнча (Кызматтык абалынан кыянаттык менен пайдалануу) кылмыш иши козголуп Кадамжай районунун кармалган К.А., жеке турак жай куруу үчүн жер тилкесин бергендиги үчүн мурда 100 миң сом өлчөмүндө акча каражатын алган.
Азыркы учурда тиешелүү ыкчам-иликтөө иш-чаралары жүргүзүлүүдө.
