Тамеки буюмдарын мыйзамсыз алып келүү иштерине бөгөт коюлду. Бул тууралуу УКМКдан билдиришти.
Маалыматка ылайык, «Ак-Тилек-унажолу» чек ара пунктунда ЕАЭБге мүчө мамлекеттерден товарларды алып келүүгө жана салык органдарында каттоого турууга тиешелүү документтери жок, ичинде жалпы суммасы 4 млн даана 200 куту даяр тамеки буюмдары болгон «Вольво» үлгүсүндөгү автоунаа кармалган.
Учурда Финансы министрлигине караштуу Мамлекеттик салык кызматынын адистеринин биргелиги менен ыкчам- тергөө иш-чараларынын алкагында республикалык бюджетке келтирилген зыяндын көлөмүн тактоо, ошондой эле жогорудагы кылмышка тиешеси бар кызмат адамдарын аныктоо боюнча тиешелүү иштер жүргүзүлүүдө.
