Бишкек шаарынын тургуну өлкөнүн жогорку саясий жетекчилигинин жана УКМКнын айрым жетекчилеринин атын жамынып, алдамчылык жана ишенимден кыянаттык менен пайдалануу жолу менен 1 миллион 925 миң сом өлчөмүндө акча каражатын алып жүргөн жеринен кармалды. Бул тууралуу УКМКнын басма сөз кызматы билдирди.
Маалыматка ылайык, козголгон кылмыш ишинин жана тергөө-ыкчам иш-чараларынын алкагында КР УКМК тарабынан Бишкек шаарынын жашоочусу КР жараны С.У.Э. кармалды.
“С.У.Э. өлкөнүн жогорку саясий жетекчилигинин жана УКМКнын айрым жетекчилеринин атын пайдаланып, алдамчылык жана ишенимден кыянаттык менен пайдалануу жолу аркылуу жалпы суммасы 1 миллион 925 миң сомду түзгөн каражатты алганы аныкталды”, — деп берилет маалыматта.
Учурда тергөө иштери жүрүп, анын мыйзамсыз иш-аракетинин башка мүмкүн болгон учурлары да иликтенүүдө.
