Бүгүн, 27-мартта Кара-Балта шаарында Украинадагы атайын аскердик операция учурунда көз жумган теги кыргызстандык 26 жаштагы жигиттин сөөгү жерге берилди.
Рустам Зарифулиндин сөөгү 26-мартка караган түнү Канттагы авиабазага жеткирилген.
Рустам Зарифулин 1996-жылы 26-мартта төрөлгөн. Маркум Кара-Балта шаарында туулуп-өскөн. Мектепти бүтүргөндөн кийин Орусиянын жарандыгын алып, аталган өлкөнүн армиясында келишимдик негизде кызмат кылып жүргөн. Ал 14-мартта Украинанын Харьков облусундагы Изюм шаарындагы аскердик операция учурунда көз жумган.
