Каракол шаарында ири суммадагы опузалоо фактысы боюнча шектүүлөр кармалды. Бул тууралуу Ысык-Көл ОИИБден билдиришти.
1-сентябрда милицияга 1987-жылы туулган жаран арыз менен кайрылган. Анын айтымында, эки жаран анын уулуна козголгон кылмыш ишин «жабууга жардам беребиз» деп коркутуу жолу менен ири суммадагы акча талап кылышкан.
4-сентябрда арыз ээси опузалап акча талап кылгандардын бирине 30 миң сомду берген. Андан соң, атайын тергөө амалдарынын алкагында 125 миң сомду талап кылып алуу учурунда шектүүлөр кармалышкан.
