Бүгүн, премьер-министр Улукбек Марипов бир тууган инисин кызматтан алуу жарлыгына кол койду. Анын бул кадамдары социалдык тармактарда ар кандай пикирлерди жаратып, кызуу талкууланууда.
Буга чейин, айрым жарандар анын өкмөт башчылыгына талапкерлиги көрсөтүлүп жаткандыгын жактырышпай, Жогорку Кеңештин алдына митингге чыгышкан.
Бүгүн, 4-февралда жарандардын бири: “Азыр бир тууган, бир тууган менен, атасы баласы менен мүлк талашып же жер талашып жүргөн заман. Улукбек Марипов бир тууган инисин акимдиктен алды. Ата -бала бири-бири үчүн жооп бербеген убакта жашап жатабыз. Туура кылды”, — деген пикирин калтырган.
Белгилей кетсек, Кыргыз Республикасынын Премьер-министри Улукбек Марипов кол койгон буйрукка ылайык, Марипов Бакытбек Асамидинович Ош облусунун Ноокат районунун мамлекеттик администрация башчысы – акими кызматынан бошотулган.
