Улуу Британиянын тургуну көл жээгиндеги кумдан тыйындар жана асыл таштар салынган эски сандык таап алды. Бул тууралуу чет элдик басылмалар жазып чыгышты.
Маалыматка караганда, 38 жаштагы Женни Фицджеральд үй-бүлөсү менен Норфолк округунда жээкти тазалап жатып, кумга көмүлгөн сандыкты таап алган. Ал күйөөсүн чакырып, укмуштуудай бир нерсе таап алганын айткан, бирок ал ишенбей, жөн гана таштанды экенин айткан. Оор табылганы анын жардамысыз көтөрүп кеткен.
Аял балдары менен сандыктын кумун тиш щеткалар менен тазалашкан. Андан соң, анын ичиндегиге чирип калган түбү аркылуу жетишкен. Ичинде жүзгө жакын тыйын болгон, алар негизинен Виктория жана 18-кылымдын аягында Британияны башкарган король Георг III мезгилине таандык экени маалым болгон. Аялдын айтымында, кээ бир тыйындар орто кылымга жана байыркы Римге таандыктай көрүнгөн.
Сандыкта баалуу таштар, дат баскан чөнтөк саат, эски атыр бөтөлкөсү, мөөр басылган шакек, Эрнесттин аты чегилген күмүш ширеңке салгыч да болгон.
