«Унаа» ишканасы Президенттин иш башкармалыгынын карамагына өттү. Бул тууралуу жарлыкка өлкө башчы Садыр Жапаров кол койду.
Маалыматка ылайык, минкабга караштуу Транспорт каражаттарын жана айдоочулук курамды каттоо боюнча мамлекеттик агенттик («Унаа» ишканасы) борбор болуп түзүлүп, президенттин иш башкармалыгынын карамагына өтөт.
Анын милдетине унааларды жана өзү жүрүүчү техникаларды каттоо жана кайра каттоо, айдоочулук күбөлүктөрдү берүү, автомектептерди лицензиялоо, унааларга мамлекеттик номердик белгилерди даярдоо жана сатыкка чыгаруу кирет.
