«Лексус GX 470» жана «Опел-Астра» үлгүсүндөгү унааларды аткезчилик жол менен мыйзамсыз алып өтүп бара жаткандар кармалды. Бул тууралуу УКМКнын басма сөз кызматы билдирди.
Маалыматка ылайык, мамлекеттик номуру жана документтери жок «Лексус GX 470» жана «Опел-Астра» үлгүсүндөгү автоунаалар кармалган. Айдоочуларынын көрсөтмөлөрүнө ылайык, унаалар коңшу мамлекеттин жарандарынан акча карызына байланыштуу алынган.
Бул фактылар автотранспорттук контрабандага шектелип, Автоматташтырылган маалымат системаларынын маалымат журналына катталды.
Учурда материалдарды кароо уланууда.