Ысык-Көлдө мектептин директору окуучуну башка чаап жиберген. Бул тууралуу 7-каналга Ысык-Көл ОИИБден билдиришти.
Маалыматка караганда, 4-март күнү Жети-Өгүз РИИБге райондук ооруканадан кабар түшкөн. Анда 2006-жылы туулган бала денесинен жаракат алып түшкөнү кабарланган. Аталган маалымат райондук милициянын электрондук журналына катталып, текшерүү иштери башталган.
Текшерүүнүн жүрүшүндө ошол эле күнү Дархан айылынын орто мектебинде 9-класстар арасында КВН жана спорт мелдеши жүргөнү, спорт мелдешинде аркан тартыш болуп жатканда директор окуучуну «эмнеге уят сөздөр менен тилденип жатасын деп» башка чаап жибергени аныкталган. Соттук-медициналык экспертиза дайындалды, анын жыйынтыгы менен тийиштүү юридикалык баа берилет.
