VI Дүйнөлүк көчмөндөр оюндарын Кыргызстанда өткөрүү пландалууда. Бул тууралуу Маданият, маалымат, спорт жана жаштар саясаты министрлигинин коллегиясында Алтынбек Максутов билдирди.
Максутов бул маселе учурда талкууланып жатканын белгиледи.
Дүйнөлүк көчмөндөр оюндары – бул Кыргызстандын эл аралык денгээлдеги эң ири долбоору. Ал көчмөн цивилизациясынын маданиятын жандандырып жана сактап калуу максатында 2012-жылы Кыргызстан өкмөтү тарабынан демилгеленген.
2014, 2016 жана 2018-жылдары Дүйнөлүк көчмөндөр оюндары Чолпон-Ата шаарында (Кыргызстан), 2022-жылы Изник шаарында (Түркия) өтсө, 2024-жылы 8-14-сентябрда Астанада (Казакстан) өтөт.
