Боом капчыгайындагы жол кырсыгынан беш киши жабыркаган. Бул тууралуу Жол кыймылынын коопсуздугун камсыздоо башкармалыгынын маалымат кызматы кабарлады.
Кырсык кечээ, 30-июлда, кечке жуук Бишкек — Нарын — Торугарт унаа жолунда болгон. Кызыл-кочкул түстөгү Daewoo Nexia үлгүсүндөгү автоунаа каршы тилкени бөлүп турган бетон тосмого урунган. Унаадагылар Балыкчыдан Бишкекке бара жаткан.