«Яндекс Такси» акыркы бир жарым жылда Кыргызстандын бюджетине 1 миллиард сомдон ашык салык төлөдү. Мындай маалыматты “Яндекс Кыргызстандын” башкы директору Тилек Сулайманов билдирди.
Анын айтымында, аталган кызмат 2024-жылы 472 миллион сом салык төлөсө, 2025-жылдын биринчи жарымында эле 595 миллион сомдон ашык салык төлөгөн.
Белгилей кетсек, компания 2022-жылы өлкөдө биринчилерден болуп «Googleдагы салык» деп аталган салыкка катталган. 2023-жылы “Яндекс” өлкөнүн эң мыкты салык төлөөчүсү болуп таанылган.
