8-февралда Япониядагы Сакурадзима жанар тоосу атылып кеткен. Бул тууралуу Москва.24 жазып чыкты.
Улуттук метеорологиялык бюронун маалыматы боюнча, түтүн бир чакырымдай бийиктикке чейин көтөрүлгөн. Жергиликтүү бийлик жанар тоонун жанындагы айылдардан жарандарды эвакуациялоону жарыялаган жок. Ошондой эле ал аймакта аба каттамдарына эч кандай тоскоолдук жок экени кабарланууда.
Белгилей кетсек, Сакурадзима Япониядагы эң активдүү вулкандардын бири. Ал чоң Кагосима шаарына жакын жерде жарым аралда жайгашкан. Тоонун бийиктиги 1100 метрге жакын.