Бүгүн, 17-январда Бегимай Бекбоева 32 жашында жүрөк оорусунан каза болду. Бул тууралуу Дайыр Исмадияров фейсбук баракчасына жазып чыкты. Ырчынын артында 3 жашар баласы калды.
Бегимай Бекбоева 1990-жылы 27-февралда Нарында туулган. Атасы обончу, аткаруучу Токторбек Бекбоев, апасы куудул жана актриса Жаңыл Кудайбергенова.
Бегимай Бекбоева эң биринчи жолу сахнага «Эх, байке» ыры менен чыккан. 2019-жылы ал башынан шишик алдырып, операция жасатканын айткан. 2020-жылы ырчы айым уулдуу болуп, аны өзү тарбиялап келчү.
Жетинчи каналдын жамааты маркумдун жакындарына көңүл айтып, аза кайгысын тең бөлүшөт.