Ырчы Эмил Балтагулов Жалал-Абаддагы Токтосун Тыныбеков атындагы филармонияга жетекчи болуп дайындалды. Бул тууралуу өзү менен байланышканыбызда билдирди.
«Ооба, жаңы кызматка дайындалдым. Министрдин орун басары келип коллектив менен тааныштырды. Буюрса алдыда жакшы пландар бар, баарын ишке ашырууга аракет кылам»,-деди ал.
Белгилей кетсек, Эмил Балтагулов 14 жылдык тарыхы бар «Сезим» эстрада тобунун жетекчиси.