7-канал. Жаңылыктар — Кыргызстан

Жаңылыктар — Кыргызстан

Сортировка новостей по дате

Март 2024
Пн Вт Ср Чт Пт Сб Вс
 123
45678910
11121314151617
18192021222324
25262728293031
  • social_icon
  • social_icon
  • social_icon
  • social_icon

Ырчы Нур Чолпон «Маданияттын мыкты кызматкери» төш белгиси менен сыйланды

230

Уникалдуу колоратуралык сопрано ырчысы, көп жанрлуу жана полиглот аткаруучу, жаш композитор Нур Чолпонго «Маданияттын мыкты кызматкери» төш белгиси берилди. Сыйлыкты маданият, маалымат, спорт жана жаштар саясаты министри Алтынбек Максутов тапшырды.

Министр Нур Чолпондун маданият жаатында жасап жаткан эмгектерине, жараткан жетишкендиктерине кабардар экенин белгилеп, келечекте мындан да чоң ийгиликтерди багындырарына ишенимин билдирди.

Белгилей кетсек, Нур Чолпон чыгармачылык чөйрөгө кичине чагынан эле аралашып келет. 5 жыл балдар музыкалык мектебинде скрипка жана гитара адистиги аны менен катар 8 жыл Ош шаарындагы Гапар Айтиев атындагы көркөм сүрөт окуу жайында билим алган. М.Күрөңкеев атындагы Кыргыз мамлекеттик музыкалык окуу жайынын Академиялык вокал жана Музыка теориясы боюнча адистиктерин артыкчылык дипломдору менен аяктаган. К.Молдобасанов атындагы Кыргыз улуттук консерваториясынын Композиция факультетин артыкчылык диплому менен бүтүргөн.

Жакында Нур Чолпон Японияда «Otogi Koubou» компаниясы менен эки жылдык музыкалык стажировкадан өтүп келди. Композиторлор союзунун мүчөсү. Жаштардын «АйТентек» операсынын автору, «Эрмен жыты» тасмасынын композитору. Көптөгөн вокалдык жана хордук чыгармалардын автору катары белгилүү.

231