Ысык-Ата райондук прокуратурасы тарабынан жүргүзүлгөн текшерүүдө, Кант райондук мамлекеттик администрациясынын (азыркы Ысык-Ата райондук мамлекеттик администрациясы) жана Бирдик айыл өкмөтүнүн кызмат адамдарынын мыйзамсыз аракеттеринин натыйжасында, аталган айылдагы мурдагы мектептин имараты айрым жарандардын жеке менчигине мыйзамсыз өткөрүлүп берилгендиги аныкталган. Бул тууралуу Башкы прокуратурадан билдиришти.
Башкы прокуратура имаратты жер тилкеси менен кошуп (22 млн сомго бааланган) мамлекетке кайтарды. Объектини мындан ары билим берүү багытында колдонуу пландалууда.
