Ысык-Көлдө эки жигит 15 жаштагы кызды зордуктаган деп шектелүүдө. Бул тууралуу облустук милициянын басма сөз кызматы билдирди.
Басма сөз кызматы билдиргендей, 4-январда Каракол шаарынын 1975-жылы туулган тургуну укук коргоо органдарына арыз менен кайрылган.
«Ал 2-январь күнү 2010-жылы туулган жашы жете элек кызы үйүнөн чыгып кеткен боюнча кайрылып келбегендигин билдирген. Кыз табылып, Каракол РИИБнин өспүрүмдөр менен иштөө инспекциясынын кызматкерлерине өткөрүлүп берилди. Ал 7-январь күнү Ак-Суу айылындагы белгисиз үйдөн зордукталганын айткан. Окуя катталып, соттук-медициналык экспертиза дайындалды. Бул факты боюнча «16 жашка чыга элек адамга карата сексуалдык мүнөздөгү аракеттер» беренеси боюнча кылмыш иши козголду», — деп айтылат маалыматта.
Жүргүзүлгөн ыкчам-иликтөө иш-чараларынын натыйжасында кылмышка шектүү катары Ак-Суу районунун тургундары О.У. жана Б.К (экөө тең 2006-жылы туулган) кармалган. Алдын ала маалыматтарга караганда, кылмышка шектүүлөр күнөөсүн мойнуна алышкан. Алар убактылуу кармоочу жайга киргизилди. Учурда тергөө иштери уланууда.
