Ысык-Көлдө эки маршрутканын катышуусундагы жол кырсыгынан бир адам мерт кетти. Бул тууралуу Өзгөчө кырдаалдар министрлигинен билдиришти.
Маалыматка ылайык, 23-мартта саат 07:35тер чамасында Балыкчы-Ананьево-Каракол унаа жолунун 66-чакырымында (Сары-Ой айылы) Mercedes-Sprinter үлгүсүндөгү жолдун жээгинде токтоп турган унааны Mercedes-Sprinter унаасы сүзүп алган.
Кырсыктын кесепетинен сүзүп алган унаанын айдоочусу (аты-жөнү такталууда) каза болгон.
Куткаруучулар каза болгон жарандын сөөгүн унаадан чыгарып, милиция кызматкерлерине өткөрүп беришкен.
