Экология жана техникалык көзөмөл кызматынын Ысык-Көл регионалдык башкармалыгы Ысык-Көлдө браконьерликке каршы кезектеги рейд өттү. Бул тууралуу Жаратылыш ресурстары, экология жана техникалык көзөмөл министрлигинен билдиришти.
Маалыматка ылайык, рейддик иш-чарада мыйзамсыз балык уулоого бөгөт коюу боюнча чаралар көрүлүп, суудан жалпы узундугу 300 метрди түзгөн эски кытайлык синтетикалык торлор алынды.
Министрлик браконьерликке каршы иш-чаралар мындан ары да системалуу түрдө улантыларын белгиледи.
